leenafofonoff
03.09.2010 č 10.53
Leena Fofonoff:

Pââ´zzjoo´ttiprää´zneǩ 27.8.-29.8.2010

Mõõnni neä´ttellooppâst leäi ortodoksi jõnn pââzzjoo´ttiprää´zneǩ. Tõt  prää´zneǩ aa’lji piâtnõc Njeä´llmest da puuđi pâsspeei´v Njauddmest. Sue’vet leäi prää´zneǩ Če´vetjääurest. To´ben le´jje jiânnai pââ´zzjoo´tti juõ´ǩǩå´rnn Lääddjânnmest, Taarrâst, Ruõššjânnmest da Virost. Virost leäi puättam kue’htt Setukaisneezzan da sij laullu Če´vetjääu´rest pei´vvprää´znǩest. Joordam što sij laullu Njeä´llmest še.

Pei’vvprää’zneǩ aa’lji õudduooumâž Veikko Feodoroff tiõrvvpue’ttemmainnsin. Škooulnee’ǩǩin da jee’res oummin leäi programm: Siõm päärna laullu kue´htt laulli sää´mas, mij siõriim kaa’ddrel, Juuso leu’ddji. Hannele da Leena lo’ǩǩe Hannele ǩee’rjtum “Muu Sabmi 2030” mainnâz.Vuâǯǯaim kuullâd võl garmanšeeǩǩ soittmuužž, Mauri Mahlavuori laauljoukk lääulai muädd mooččâs laulli, metropoliitt Panteleimon da Taarr papp e´čč Johannes pu´htte tiõrvv-vuõđid. Leäi hää´šǩ vuei´nned tobbdsid- diakoni-Olli koozz mij le´jjiim tobdstõõttâm Ruâvnjaarǥâst ko mij le´jjiim kaiddõsškooulâst ǩeässa. Tiiǩ le´jje puättam jiânnai paapp, õhttsi´žže 11. Oulu metropoliitt Panteleimon lij jååttam mealggâd juõ´ǩǩ ee´jj tääi´ben. Če´vetjääu´rest šluu´žb leäi ku´ǩǩ da prizeešja vuõiti vä´ldded vuâstta metropoliittast le´be takai paappâst. Cee´rkvest le´jje jiânnai oummu, puk jie čaakkâm ni cee´rkav siizz.

Akatistos leäi jeä´ǩǩää viiđ ääi´j ceerkvest. Tõ´st mušttlet jiânnai pâ´ss Treffan Peäccâmnee´ǩǩ. Tõn maŋŋa aa´lji seminaar, koonn teeman leäi pââ’zzjoo’tti- ǩii tõt lij? Õhtt professor, e´čč Pentti Hakkarainen da e´čč Slava Skopetsk mainnste da si´jjid leäi miõllǩiddsaž ku´vddled.

Ši´ljju leäi ciâggtum kue´tt, ko´st kaaupše mää´rfaid, meäkkai vi´lǧǧesleei´bid, čee, kaa´ff da limonaad. Õõudap ii´jji mij leä´p siõrrâm da ǩeâšttam reeddast lâša tän vuâra mij le´jjiim se´st: e´pet setuneezzan laullu da samai hää´sǩ leäi kuullâd ko Panteleimon da e´čč Slava le´jje solistin Mahlavuori laulljooukâst! Looppâst kuuliim õõut leeu´d.

Prää´zneǩ juättkji võl Njâuddmest pâ´sspeei´v tue´lää. To´ben leäi čää´ʒʒ pââ´zztumus jokkreeddast. Panteleimon ci´sttji tõn pääi´ǩ, koozz puõ´tti ee´jj rue´ǩǩe n. čue´đ oummu paaʒʒtõõzzid. Tän pääi´ǩest da Pâččjooǥǥ suõllust ka´ǯǯe pââjas ääu´din tõid taautid. Lij mie´rr ruõkkâd o´đđest tõid čue´tt sämmlai paazztõõzzid 2011 ǩeässa, tõt le´čči ju´n piâtnâcan.

Hå´t-i ij abrram, leäi kuuitâǥ kõõlmâs di leäi šiõǥǥ juukkâd puõ´lli kaa´ff prää´zneǩ looptõssân.

Kommeent
Šõõddi-a mâiʹd-ne miõʹlle? Koommend ääʹšš!
Komment (3)

Kategorii Sevettist šâdd, Sevettist šäigg da soitt

3 vasttõssâd “Pââ´zzjoo´ttiprää´zneǩ 27.8.-29.8.2010”

  1. Satu Moshnikoff Satu Moshnikoff ǩeʹrjjti:

    Leena, muʹst leäi samai hääʹsǩ lookkâd, ko ton mainstak nuʹtt puârast juõʹǩǩ prääʹznǩest. Leʹjjiǩ-a ton mieʹldd pukin tõin? – Mon leʹjjem mieʹldd peeiʹvi pâi Keväjääuʹrest, Čeʹvetjääuʹrest da Njauddmest di čuuʹt levvjim. Jeäʹǩǩäi jiõm teänab vuäittam åårrad mieʹldd.

  2. Leena Leena ǩeʹrjjti:

    Mon jiõm leäkku ǩee´rjtam tän teekst aivv õhttu, ǥu mon ǩee´rjtiim tän päärnai vui´m škooulâst.. :p Leša šiõǥǥ, ǥu tu´ǩǩiik!=) Mon le´jjem pâi Čeʹvetjääuʹrest šluu´žbast da pei’vvprää’znǩest.

    • Satu Moshnikoff Satu Moshnikoff ǩeʹrjjti:

      Täʹst vuäinn puârast, što õhttsažtuâjj kannad!

Koommend ää’šš!